طريقة عمل احلى كيكة شيكولاتة ونوتيلا فاطمة ابو حاتى

 السلام عليكم ورحمه الله وبركاته..

مين فينا مش بيحب كيكة الشيكولاتة اللذيذة الغرقانة في الشيكولاتة ..

اكيد كلنا بنحبها كبار وصغار بس مش بنعرف نظبطها ..

النهارده هقولكم على طريقة سهلة جدا وهتحبوها وهتقوموا تجربوها وهتنجح معاكم أن شاء الله..

يلا نبتدى..

المقادير :

2  كوب دقيق ونصف كوب كاكاو خام 

4 بيض بحرارة الغرفة

كوب حليب دافى 

 كوب الا ربع سكر 

نص معلقه صغيره ملح 

معلقه كبيره بيكنج بودر وباكو فانيليا

نصف كوب زبده سايحه 

الطريقه:

فى البداية ممكن نعملها بمضرب كهرباء أو يدوى الموجود اشتغلوا بيه ..

نضع البيض بحرارة الغرفة وفى بوله هنضع الزبده والسكر لحد ما يبقى كريمة هنضع البيض وتضرب كويس لحد ما نلاقى الخليط تضاعف هنصع الفانيليا وبمعلقه خشب هنضع الدقيق المنخول مع الملح والبيكنج بودر ونقلب هنضع الحليب بالتبادل مع الدقيق والكاكاو لحين ما يمتزج الخليط..

هنحضر صينيه مدهونه سمنه ومغلفه بالدقيق ونضع الخليط ونخبطها خبطتين في الرخاميه عشان نفسى الهواء ..

هتكون مسخنين فرن البوتاجاز على درجه حراره 200 وندخل الصينيه لمده ربع ساعه ..

هنختبرها بعود خشبي من النص لو خرج بدون عجين يبقى تمام واستوت ..

هنسيبها في الفرن تبرد وبعدها هنقلبها فى طبق ونزينها بالنوتيلا وصوص الشيكولاته ونقدمها مع ايس كريم فانيليا بتبقى تحفه بجد..

والف هنا على قلوبكم الحلوة ..